ناصر بوريطة من نهار شد وزارة الخارجية والتعاون وهو كيدير الزبايل. هاد اللي رجع الوزارة صورة من شخصيتو الغريبة المثيرة كيعتاقد ان الديبلوماسية هي لقاءات ما صالحة لوالو حول الصحراء او اصدار بيانات.
اليوم خرج بيان كيهدر باسم الملكة المغربية. قال باللي المغرب يدين "بشدة الإمعان في نشر رسوم الكاريكاتير المسيئة للإسلام وللرسول سيدنا محمد عليه الصلاة والسلام" في اشارة الى اعادة مدن فرنسية نشر رسومات كاريكاتورية عن النبي محمد.
واضاف البيان ان المملكة "تستنكر هذه الأفعال التي تعكس غياب النضج لدى مقترفيها، وتجدد التأكيد على أن حرية الفرد تنتهي حيث تبدأ حرية الآخرين ومعتقداتهم". يعني بوريطة اللي ما ما عمرو فحياتو دافع على شي حرية او على شي قضية تهم حرية التعبير فالبلاد كيعطي النصيحة لباريس.
بوريطة اضاف ببيانو باللي "لا يمكن لحرية التعبير، لأي سبب من الأسباب، أن تبرر الاستفزاز والتهجم المسيء للديانة الإسلامية التي يدين بها أكثر من ملياري شخص في العالم". هنا ولى كيهدر باسم المسلمين.
بوريطة ما دانش ذبح الارهابي الداعشي الشيشاني لاستاذ التاريخ بقوة. اكتفى بهاد العبارة "وبقدر ما تدين المملكة المغربية كل أعمال العنف الظلامية والهمجية التي تُرتكب باسم الإسلام، فإنها تشجب هذه الاستفزازات المسيئة لقدسية الدين الإسلامي"
وسالى بالقول باللي الرباط تدعو الى " إلى الكف عن تأجيج مشاعر الاستياء وإلى التحلي بالفطنة وبروح احترام الآخر، كشرط أساسي للعيش المشترك والحوار الهادئ والبناء بين الأديان"
اللي كتبو ماشي ديبلوماسي. كيبان بحال ايلى اللي دارو هو المجلس العلمي الاعلى. ايلى كانت الفرقة الجديدة ديال التواصل اللي دارتو٬ راه مشينا فينا بهاد النيفو.
كيفاش كدخل الرباط فقضية ماشي قضيتها. دابا كل ما قيل عن علاقة عبد الحكيم الصفريوي احد محرضي هاداك الشيشاني بشكل غير مباشر٬ بالمغرب راه شاد. هاداك الارهابي اللي متابع دابا قالو عليه عندو علاقة بسفارتنا بباريس واخا نفات هاد السفارة مع هاد البيان يخليك تشك فكلشي