صفحات من الزجل العتابي.... (اش داني،نقرب ليك )......
هناك أحاسيس صادقة،تنبع من الأعماق،لأن العين تعشق الجمال،والقلب ينبض للحياة،والانسان دائما ينتمي لهذا السر ،سر العشق والجمال.
أش داني
نقرب ليك
وأنا درويش
على قد الحال
الحب صعيب
عليا وعليك
بعد مني
ما بغيت أهوال
خلي لغرام
أعطيتو ليك
مليت الشوق
سكني لهبال
باغي نبعد، لا نآديك
وحدي نعيش
حياتي جوال
راني
مابقيت نواتيك
عييت
وما بقى لي أمل
زمان كنتي
تجيني ونجيك
واليوم راكي
قطعتي لوصال
غدارة وخاينة
باينة في عينيك
ماقدرتيش لمحبة
وعشق الجمال
نسيت نسيت
لي كان ،يربطني بيك
نسيت الماضي
نسيتو ،وهنيت البال
مابقيت نحس
ولا باقي ،نفكر فيك
عداب الحب ،جربتو
لقيتو قتال
حسن لي نهجر
نروح نخليك
حسن لي ننساك
نبعد ،يا لغزال....
تتبع
الزجال والمبدع : عبد الرحيم يونس
